Duitse wetenskaplikes het deur middel van laboratoriumtoetse ’n stam van gis geneties ontwikkel wat gelykstaande is aan die primêre psigoaktiewe chemikalie tetrahidrocannabinol (THC).

THC, wat kenmerkend in dagga gevind word, het reeds voordele getoon in die behandeling van sekere siektes. Die sintetiese variasie, wat in pilvorm te kry is, word onder handelsmerke soos Cesamet verkoop, en dit word gebruik teen die naarheid wat MIV- of kankermedisyne veroorsaak.

Gis kan moontlik heelwat goedkoper wees as ’n chemiese mengsel.

Navorsers aan die Tegniese Universiteit van Dortmund in Duitsland moes, in samewerking met die firma Hyasynth Bio, ’n besonder geringe hoeveelheid gis in die regte toestande gebruik om THC te vorm.

Hoewel dit ’n deurbraak is in MIV- en kankerbehandeling, versterk dit die opvatting dat daggaplante die beste THC vervaardig.

“Hierdie ontdekking kan letterlik die lewe van miljoene mense verander,” het Kevin Chen, bedryfshoof van Hyasynth Bio, aan The Times gesê.

“Mense doen aanmekaar navraag daaroor,” het ’n navorser bygevoeg, “maar hier is groter potensiaal as net die brou van bier.”

Gis sal nie alleen die vervaardiging van THC en cannabidiol ('n daggasamestelling) verbeter nie: dit sal wetenskaplikes ook in staat stel om nouer te let op hul werkwyse. Die navorsers sê dat, nadat hulle reeds geruime tyd aan die proses gewerk het, hulle poog om ’n behandelingsmetode te vind wat sterker is as daggaplante.

Oliver Kayser, biochemikus aan die universiteit, voeg by dat Europese wetgewers graag ’n manier wil vind waarop THC en cannabinoïdes verskaf kan word sonder die gebruik van dagga.

“Hulle vrees dat hierdie plante gekweek sal word en dat dit onwettige verbouing sal bevorder,” het hy gesê.

Dr. Jonathan Page van die Universiteit van Brits-Colombië is bewus hef aan lê nog voor voor hulle met massaproduksie kan begin.

“Ons het nou ’n plant wat inderwaarheid die Ferrari van die plantewêreld is wat die vervaardiging van die belangrike chemikalie betref,” het hy bygevoeg. “Dagga sal moeilik geklop word.“

© Cover Media