Maak eenvoudige, beter keuses - jy kan jou gewoontes begin verander met hierdie maklike wenke.

  1. Eet binne ’n uur nadat jy in die oggend opgestaan het. Dit hoef nie jou ontbytmaaltyd te wees nie, selfs net ’n vrug is genoeg. Dit skop jou metabolisme aan die gang en sorg dat jy jou nie later ooreet nie.
  2. Eet meer in die dag en minder met aandete. Jy het saans die energie minder nodig en sal dit waarskynlik ook nie gebruik nie.
  3. Eet ’n vorm van energieryke kos. Koolhidrate (stysel, styselryke groente, vrugte, melk en jogurt) hou jou bloedsuikervlak stabiel en voorkom dat jy jou later ooreet omdat jy honger is.
  4. Peusel. Klein peuselhappies tussen maaltye hou die bloedsuiker stabiel. Leer om elke drie tot vier uur iets te eet. Hou vinnige en maklike happies byderhand.
  5. Moenie jou bord leeg eet nie. Dit duur 15 minute voor jou liggaam besef hy is versadig. Eet dus stadig.
  6. Drink water. As jy nie genoeg water drink nie, stuur jou lyf ’n honger- pleks van ’n dorsboodskap uit. Drink 2 liter water per dag.
  7. Lees etikette. Maak seker gekoopte kos bevat minder as 10-12 g vet per 100 g as jy minder as 100 g daarvan gaan eet, en minder as 3 g vet per 100 g as jy meer as 100 g gaan eet.
  8. Eet genoeg. As jy nie genoeg eet nie, sal jou liggaam aan kos begin vasklou om te “oorleef” en gaan jou gewig stilstaan of selfs toeneem. ’n Goeie riglyn is ’n palmgrootte porsie laevetvleis, een of twee vuisgrootte styselporsies, en verder groen groente.