Baie van ons basuin nou wel dié woorde uit op ’n koffiebeker, afdroogdoek of T-hemp, maar navorsers glo as jy dit uitleef wanneer jy te doen het met ’n stresvolle situasie, kan dit jou langer help leef.

Volgens ’n onlangse ondersoek aan die Staatsuniversiteit van Pennsilvanië kan ’n blymoedige reaksie of selfs net so ’n positiewe een moontlik op ’n krisis ons ontsteking in die liggaam merkbaar help verminder.

“Opgeruimde emosies, en hoe dit mense kan help tydens stres, word regtig oor die hoof gesien,” sê Nancy Sin, nagraadse doktorale genoot aan die universiteit.

Die navorsers het gekyk hoe alledaagse uitdagings ’n mens se immuunstelsel kan verswak. Daar is toe ontdek dat die hoeveelheid stres nie die probleem was nie, maar wel hoe iemand kies om dit aan te durf.

Wanneer die liggaam deur kort tydperke van stres ervaar in die vorm van siekte of oefening, oorkom hy dit deur die gebruik van ’n hoë-immuniteitsrespons om homself te herstel. Oor ’n langer tydperk kan chroniese ontsteking egter ernstige gesondheidsprobleme inhou. Daar word selfs geglo dat dit ’n rol speel in vetsug, hartsiektes en kanker.

Altesaam 872 volwassenes van die National Study of Daily Experiences het agt dae lank elke dag verslag gedoen van daaglikse druktespanning en hul emosionele reaksie daarop. Daar is bloed getrek by al die deelnemers sodat dit getoets kon word vir inflammatoriese merkers. Daarna is elkeen tydens ’n telefoononderhoud gevra om sy of haar positiewe en negatiewe emosies te valueer en ook of hy of sy druktespanning ervaar het.

“Ons het reaksie-tellings bereken om te bepaal hoe deelnemers oor die algemeen reageer op druktespanning,” het Nancy gesê.

“Daarna het ons dit gebruik om twee merkers van ontsteking te voorspel. Die ontsteking het meer dikwels voorgekom by mense wat nie die dinge wat druktespanning veroorsaak, kon afskud nie. ”

Die navorsing volg op soortgelyke raad van dr. Amid Sood, wetenskaplike by die Mayo-kliniek, wat beweer emosionele krag is een van die vier dinge wat ’n mens in ag moet neem om geluk en gesondheid te verseker.

© Cover Media