Sielkundige, fisiese en gedragsimptome kom in die twee weke voor 'n maandstonde voor – van pynlike borste tot geïrriteerdheid.

Hier volg klompie gesonde maniere, aanbeveel deur die tydskrif Your Fitness, om die newe-effekte hok te slaan.

Skakel kaffeïne en suiker uit

'n Koppie koffie vroegoggend, met jou opgehoopte teelepel suiker daarin, is heel aanvaarbaar, maar moenie dinge oordoen gedurende die dag nie. Wat jy ook al eet en drink, speel 'n groot rol in jou PMS-simptome, en, as jou bloedsuikervlakke hoog is, sal dit nog erger wees. Jy moet egter probeer om gereeld te eet en, indien moontlik, elke drie ure happie te geniet. Dit sal help om die vlakke stabiel te hou en die vrylating van streshormone, wat op hierdie tydstip slegs bydra tot die ongemak, te voorkom.

Laai die vitamiene en minerale op

Aanvullings is 'n goeie manier om alles in te kry wat jy nodig het ten einde balans in jou liggaam te handhaaf, en, deur middel van sekere voedingstowwe, kan die simptome van PMS inderwaarheid verlig word. Magnesium is nommer een, en so ook vitamien B6, aangesien albei help om gedragsverwante trekke te beheer.

Eersgenoemde verminder angstigheid, aangesien dit as 'n “natuurlike kalmeermiddel” beskou word, terwyl Vitamien B help om die produksie van dopamien en serotonien, die “gelukkige” hormoon, te bevorder.

Sink is ook belangrik, aangesien dit help om jou sekshormone aan die gang te kry – verwelkom dus jou libido!

Vat dinge kalm

Die heel belangrikste is egter is dat jy vir jouself tyd gun om te ontspan. Meditasie is 'n goeie manier om te ontspan, of skakel kalmerende musiek aan terwyl jy 'n lang weeksessie in die bad geniet sodat jy kan afwen.

© Cover Media