17:00 The Ellen DeGeneres Show (M-Net): Ellen is weer op haar stukke! Die komediant gesels met bekendes en gewone mense met buitengewone stories en sy voer ’n paar danspassies uit.

18:30 7de Laan (SABC2): Oubaas bied aan om na Thinus te kyk. Paula neem die Cosmetique fotosessie ooor.

18:30 Dagbreek-bestes (kykNET): Sit terug vir ’n samevatting van die week se beste insette op Dagbreek.

18:30 The X-Factor UK (M-Net): Kyk hoe Louis Walsh, Simon Cowell, Cheryl Fernandez-Versini and Mel B nuwe talent ontdek.

19:30 Binnelanders (kykNET): Ivanka bied aan om Morné te help met ‘n taak, en Jana besef waar At se prioriteite lê. Gustav deel sy nuus met Michelle, en Breggie is die oplossing vir die Jonkers se probleem. Zieg beproef Jana se lojaliteit, en die langarm-aand in Nagskof kan gekniehalter word deur ligte.

19:30 Musiek Roulette (SABC2): Nadine toets deelnemers se musiekkennis met musiekspeletjies, en verskeie Afrikaanse kunstenaars sing hul gunstelingliedjies vir die gehoor.

20:00 Toks ’n Tjops (kykNET): Toks van der Linde, Breyton Paulse en Janina Oberholzer kyk saam met die gaste na die jongste gebeurtenisse in rugbyland – van die duikslae tot skeidsregters.

20:00 Club 808: Make Some Noise (e.tv): Kom kyk hoe die aanbieders ’n oorsig gee van al die nuutste musiek en nuwe kunstenaars.

20:00 The Beloved Country (SABC 3): Die Hollywoodse swaargewig-akteur James Earl Jones speel in dié ikoniese fliek oor twee pa’s wat tydens die apartheidsera persoonlike tragedies moet verwerk wat hulle ten spyte van hul verskille bymekaarbring.

20:30 Arrow (M-Net): Nyssa glo dat Malcom vir Sara vermoor het, maar Oliver is nie oortuig daarvan nie. Roy probeer om sy gebroke verhouding met Thea te herstel.

21:00 Jan Braai vir Erfenis (kykNET): In die nuwe seisoen word van Kaapstad tot Kosibaai ernstig gebraai en is daar min te sien van slaai. Kom toer, lag en leer saam van Suid-Afrika, ons mense en ons eeue oue gemeenskaplike erfenis: braai.

21:30 Vrydag Nag Laat (kykNET): In ’n tipies Suid-Afrikaanse week is daar vele nuusgebeure wat ’n mens laat lag. Dit is dan ook Francois Toerien, en sy wisselende gereelde gaste, Melt Sieberhagen, Bouwer Bosch, Jody Abrahams en Shaleen Surtie-Richards, se werk om jou elke Vrydagaand te laat skater oor die vreemdheid van ons land en sy mense.

22:00 Smokin’ Aces 2: Assassins Ball  (SABC 1):

’n FBI-agent het groot probleme – ’n kriminele meesterbrein het ’n spul moordenaars gehuur om hom uit die weg te ruim. En hierdie sluipmoordenaars is beslis ouens om mee rekening te hou.