[post-slider]

Daar is drie modelle in die plaaslike reeks, Essentia, Cosmo en Enjoy, en al drie het Opel se indrukwekkende driesilinder-1,0 L-turbopetrolenjin met ’n sesganghandrat.

Dié enjin ontwikkel 85 kW se krag en wringkrag 170 Nm, terwyl die gemiddelde brandstofverbruik slegs 5,0 L per 100 km is.

Standaardkenmerke vir die intreevlakmodel, die Essentia, is onder meer ’n stop-ry-stelsel vir verbeterde brandstofvebruik en elektriese vensters voor.

Die Enjoy-weergawe het ook ’n ritrekenaar, LED-dagryligte, allooiwiele, lugverkoeling en misligte voor.

Die topmodel in die reeks is die Cosmo, wat bykomende kenmerke het, soos bi-xenon-hoofligte, spoedbeheer en reënsensors vir die ruitveërs.

Al drie modelle het ABS-remme en ses lugsakke as standaard. Boonop kan die Corsa-reeks met verskillende pakkette, wat nog meer kenmerke bied, opgekikker word.

Verder is die al drie Corsa-modelle met ’n waarborg vir vyf jaar/120 000 km en diensplan vir drie jaar/60 000 km beskikbaar.

Pryse

  • Corsa 1,0T Essentia: R185 500
  • Corsa 1,0T Enjoy: R216 200
  • Corsa 1,0T Cosmo: R236 300